Wednesday, November 14, 2018

တရုတ္ႏိုင္ငံ၏ လိုအပ္ခ်က္ ျမင့္မားသည့္ သီးႏွံမ်ားကိုသာ တင္သြင္းခြင့္ ျပဳေနျခင္းျဖစ္သည္။ ဓာတ္ပံု- ၀တ္ရည္မြန္(AMIA)

ႏို၀င္ဘာ   ၇

မူဆယ္ ၁၀၅ မိုင္ နယ္စပ္ကုန္သြယ္ေရးဇုန္မွ တစ္ဆင့္ တင္ပို႔ေနသည့္ ဆန္၊ သၾကား စသည့္လယ္ယာထြက္ ကုန္မ်ားအား တရုတ္ႏိုင္ငံမွ  ၀ယ္ယူမႈ ရပ္နားထားေသ္ာလည္း ေျပာင္းသီးႏွံအား ကိုတာစနစ္ျဖင့္ ၀ယ္ယူေပး ေနေၾကာင္း ကုန္သည္မ်ားထံမွ သတင္းရရွိသည္။

“ ကိုတာစနစ္နဲ႔ေတာ့ ေျပာင္းတစ္တန္ကို က်ပ္ သံုးသိန္းကိုးေသာင္း ကေန ေလးသိန္းႏွစ္ေသာင္းအထိ ရတယ္။ ပို႔တာေတာ့ နည္းတယ္။ တရုတ္ လံုၿခံဳေရးအရ ပိတ္ထားတဲ့ အခ်ိန္မွာေတာ့ ကိုတာနဲ႔ ပို႔ႏုိင္ေတာ့ နည္းနည္း ေတာ့ အခက္အခဲကို ေက်ာ္လႊားႏုိင္တာေပါ့” ဟု အမည္မေဖာ္လိုသူ ကုန္သည္တစ္ဦးက ေျပာသည္။

တ႐ုတ္ႏိုင္ငံသို႔ ျမန္မာႏိုင္ငံမွ ေျပာင္းတင္ပို႔မႈႏွင့္ ပတ္သက္၍ ကိုတာစနစ္ျဖင့္ သတ္မွတ္ထားရာ၂၀၁၆-၂၀၁၇ ဘ႑ာေရးႏွစ္တြင္ မူဆယ္(၁၀၅)မိုင္  ကုန္သြယ္ေရးဇုန္အတြက္  တန္ခ်ိန္ ၁၆,၀၀၀ ခန္ႏွင့္ ခ်င္းေရႊေဟာ္ ကုန္ သြယ္ေရး စခန္းအတြက္ တန္ခ်ိန္ ၁၀,၀၀၀ ခန္႔ တင္သြင္းခြင့္ ျပဳထားေၾကာင္း သိရသည္။

အဆိုပါ ကိုတာစနစ္မွာ တ႐ုတ္ႏိုင္ငံ၏ တရား၀င္ ခြင့္ျပဳခ်က္ျဖစ္ၿပီး တ႐ုတ္ႏိုင္ငံ၏ လိုအပ္ခ်က္ပမာဏ မ်ားျပား သည္ကို အျခားႏိုင္ငံမ်ား သိရွိမည္ကို စိုးရိမ္ျခင္း၊ ျပည္တြင္းထုတ္လုပ္မႈမ်ား ေလ်ာ့နည္းသြားႏိုင္ျခင္းႏွင့္ ေစ်း ႏႈန္းျမင့္တက္ လာႏိုင္ျခင္းတို႔ေၾကာင့္ ကိုတာ အေရအတြက္အား တန္ခ်ိန္ ၂၆,၀၀၀ သာ ခြင့္ျပဳထားျခင္းျဖစ္ သည္။

ျမန္မာႏိုင္ငံမွ စိုက္ပ်ိဳးထြက္ရွိေသာ ေျပာင္းမ်ားကို တ႐ုတ္၊ ဘဂၤလားေဒ့ရွ္၊ စကၤာပူ၊ မေလးရွားႏွင့္ ေဟာင္ ေကာင္ ေစ်းကြက္စသည့္ ႏိုင္ငံေပါင္း ၉ ႏိုင္ငံသို႔ တင္ပို႔ႏိုင္ခဲ့ၿပီး တင္ပို႔မႈ၏ ၉၈ ရာခိုင္ႏႈန္းကို တ႐ုတ္ႏိုင္ငံသို႔ တင္ ပို႔သည္။

တ႐ုတ္ႏိုင္ငံသို႔ နယ္စပ္ကုန္သြယ္မႈ လမ္းေၾကာင္းျဖင့္  ရွမ္းျပည္ေျမာက္ပိုင္းေဒသ ကြတ္ခိုင္၊ သိႏၷီ၊ လား႐ႈိး၊ သီ ေပါ၊ ေက်ာက္မဲ၊ ျပင္ဦးလြင္ စသည့္ေဒသမ်ားမွ ေျပာင္းမ်ားကို မူဆယ္(၁၀၅)မိုင္ ကုန္သြယ္ေရးဇုန္မွတစ္ဆင့္ တ႐ုတ္ျပည္၊ ယူနန္ျပည္နယ္သို႔ တင္ပို႔ေရာင္းခ်လ်က္ ရွိသည္။

နယ္စပ္မွ ေျပာင္းတင္ပို႔မႈႏွင့္ပတ္သက္၍ ေျပာင္းအမ်ားဆံုး၀ယ္ယူသည့္ တ႐ုတ္ႏိုင္ငံအေနျဖင့္ ယခင္က ေျပာင္း မွတစ္ဆင့္ မက္သေနာ ထုတ္လုပ္ရန္ စီစဥ္ထားရွိေသာ္လည္း ကမၻာ့ေရနံေစ်းကြက္ က်ဆင္းလာသည့္အတြက္ မက္သေနာ ထုတ္လုပ္မႈ ေလ်ာ့နည္းသြားသျဖင့္ ယူနန္ျပည္နယ္၏ ေျပာင္း၀ယ္လိုအား က်ဆင္းသြားခဲ့ေၾကာင္း သိရသည္။

 

Unicode

နိုဝင်ဘာ ၇


မူဆယ် ၁၀၅ မိုင် နယ်စပ်ကုန်သွယ်ရေးဇုန်မှ တစ်ဆင့် တင်ပို့နေသည့် ဆန်၊ သကြား စသည့်လယ်ယာထွက် ကုန်များအား တရုတ်နိုင်ငံမှ ၀ယ်ယူမှု ရပ်နားထားသေ်ာလည်း ပြောင်းသီးနှံအား ကိုတာစနစ်ဖြင့် ၀ယ်ယူပေး နေကြောင်း ကုန်သည်များထံမှ သတင်းရရှိသည်။


“ ကိုတာစနစ်နဲ့တော့ ပြောင်းတစ်တန်ကို ကျပ် သုံးသိန်းကိုးသောင်း ကနေ လေးသိန်းနှစ်သောင်းအထိ ရတယ်။ ပို့တာတော့ နည်းတယ်။ တရုတ် လုံခြုံရေးအရ ပိတ်ထားတဲ့ အချိန်မှာတော့ ကိုတာနဲ့ ပို့နိုင်တော့ နည်းနည်း တော့ အခက်အခဲကို ကျော်လွှားနိုင်တာပေါ့” ဟု အမည်မဖော်လိုသူ ကုန်သည်တစ်ဦးက ပြောသည်။


တရုတ်နိုင်ငံသို့ မြန်မာနိုင်ငံမှ ပြောင်းတင်ပို့မှုနှင့် ပတ်သက်၍ ကိုတာစနစ်ဖြင့် သတ်မှတ်ထားရာ၂၀၁၆-၂၀၁၇ ဘဏ္ဍာရေးနှစ်တွင် မူဆယ်(၁၀၅)မိုင် ကုန်သွယ်ရေးဇုန်အတွက် တန်ချိန် ၁၆,၀၀၀ ခန်နှင့် ချင်းရွှေဟော် ကုန် သွယ်ရေး စခန်းအတွက် တန်ချိန် ၁၀,၀၀၀ ခန့် တင်သွင်းခွင့် ပြုထားကြောင်း သိရသည်။


အဆိုပါ ကိုတာစနစ်မှာ တရုတ်နိုင်ငံ၏ တရားဝင် ခွင့်ပြုချက်ဖြစ်ပြီး တရုတ်နိုင်ငံ၏ လိုအပ်ချက်ပမာဏ များပြား သည်ကို အခြားနိုင်ငံများ သိရှိမည်ကို စိုးရိမ်ခြင်း၊ ပြည်တွင်းထုတ်လုပ်မှုများ လျော့နည်းသွားနိုင်ခြင်းနှင့် စျေး နှုန်းမြင့်တက် လာနိုင်ခြင်းတို့ကြောင့် ကိုတာ အရေအတွက်အား တန်ချိန် ၂၆,၀၀၀ သာ ခွင့်ပြုထားခြင်းဖြစ်သည်။


မြန်မာနိုင်ငံမှ စိုက်ပျိုးထွက်ရှိသော ပြောင်းများကို တရုတ်၊ ဘင်္ဂလားဒေ့ရှ်၊ စင်္ကာပူ၊ မလေးရှားနှင့် ဟောင် ကောင် စျေးကွက်စသည့် နိုင်ငံပေါင်း ၉ နိုင်ငံသို့ တင်ပို့နိုင်ခဲ့ပြီး တင်ပို့မှု၏ ၉၈ ရာခိုင်နှုန်းကို တရုတ်နိုင်ငံသို့ တင်ပို့သည်။


တရုတ်နိုင်ငံသို့ နယ်စပ်ကုန်သွယ်မှု လမ်းကြောင်းဖြင့် ရှမ်းပြည်မြောက်ပိုင်းဒေသ ကွတ်ခိုင်၊ သိန္နီ၊ လားရှိုး၊ သီ ပေါ၊ ကျောက်မဲ၊ ပြင်ဦးလွင် စသည့်ဒေသများမှ ပြောင်းများကို မူဆယ်(၁၀၅)မိုင် ကုန်သွယ်ရေးဇုန်မှတစ်ဆင့် တရုတ်ပြည်၊ ယူနန်ပြည်နယ်သို့ တင်ပို့ရောင်းချလျက် ရှိသည်။


နယ်စပ်မှ ပြောင်းတင်ပို့မှုနှင့်ပတ်သက်၍ ပြောင်းအများဆုံးဝယ်ယူသည့် တရုတ်နိုင်ငံအနေဖြင့် ယခင်က ပြောင်း မှတစ်ဆင့် မက်သနော ထုတ်လုပ်ရန် စီစဉ်ထားရှိသော်လည်း ကမ္ဘာ့ရေနံစျေးကွက် ကျဆင်းလာသည့်အတွက် မက်သနော ထုတ်လုပ်မှု လျော့နည်းသွားသဖြင့် ယူနန်ပြည်နယ်၏ ပြောင်းဝယ်လိုအား ကျဆင်းသွားခဲ့ကြောင်း သိရသည်။

Leave a comment